واحد من الشباب المصرقعين

«®°·.¸.•°°·.¸¸.•°°·.¸.•°®»الــ بـــدايــــة«®°·.¸.• °°·.¸¸.•°°·.¸.•°®»


مرتن من المراريت كنت منسدح قدام هالتلفزيون ما غير افرفر بقنوات هالموسيقى -الله لا يبلاكم- من روتانا الى مزيكا ولا تهون نجوم واذا زعلت مني الخليجيه ماني مسئوول
وطبعا قصدي اكحل عيوني بهالبني والا الأغنية بسلامتها ولا كأني اسمعها
واثناء (تسمري) قدام التلفزيون ولا ودي ارمش اخاف تفوتني لقطة الا وجوالي يرن
<===== يعلمكم ان عنده جوال
وانا بعادتي اذا اتصل علي واحد رقموه مهب موجود عندي (اشحط) اخشن صوتي وما دريت الا وذاك الصوت الناعم اللي فقع اذني برقتتوه وهو يقول آسف اخطيت بالرقم وقفلت الخط
وبعدها رحت للمرايه وماغير استشور شعري واتميلح واضبط نبرة صوتي واتصل عليها واقول ما اعتقد ان هالصوت الحنون يخطيء
<======= كل تبن انت وهالاسلوب
فردت علي ,كأنك واثق من ان الرقم اللي ابيه هو رقمك
قلت لها اصلا رقمي معشوق الملايين
قالت : لا يكون جوال كاظم الساهر وانا ما ادري<-- ابوك يالتحطيم
قلت لها : وانتي الصادزه رقمي احلى
قالت : هههههههه دمك خفيف والا انت كذا
قلت : افا عليتس كل البنات اللي اعرفهن بيقولن تسذا
فزعلت البنت وقالت يالله ضف خشتك وروح يمّهن ولا عاد اسمع صوتك
قلت : افا زعلتي
قالت : صحيح ان ما عندك اتيكيت
قلت : الا عندي البارح مشتريه من البقاله <--- الله من الدلاخه
قالت : اتيكيت يعني ذوق يا دلخ
وهنا برد وجهي ونكست خشتي للأسفل <===== يعني انحرجت
فقلت : اسف ما سمعتك زين احسبك تقولين ما عندك كيك <====== ابوك يا الترقيع
قالت : ايه هين الا ما عمرك سمعت عنها يا القروي
قلت : طيب آسف سامحيني
المهم وبعد ساعتين ونصف من المحاولات والمداولات و(التقردن) حتى اقنعتها تقابلني في سوق الحله <---- احلى سوق مابوه هيئه
قالت : طيب كيف اعرفك؟
قلت : اذا وصلتي السوق اتصلي علي وانا اقول لك وين انا بوه
قالت : ما اقدر لأن اخواني ما يخلوني اروح للاسواق بلحالي لازم يروح واحدن منهم معي
قلت : طيب ( وش الدبره ) ايش الحل ؟
قالت : انت البس لبس مميز ووقف عند العجوز الي تبيع حنا اللي بالوسط و راح اعرفك
قلت : لبس مميز !! زي ايش ؟؟
قالت : البس ثوب شتوي لونه ابيض باسود ولا تنسى تحط ورده حمرا في جيبك الامامي
قلت : لبس شتوي !!! لكن حنا في فصل الصيف !!!
قالت : اجل الغي اللقاء
قلت : امري لله ولو ان شكلي راح يكون مضحك لكن لأجل عين تكرم الف عين
فلبست اللباس الشتوي
بس قلت لها ما راح البس ذا اللون
قالت ليش ؟
قلت وجع اذا لبسته كني حمار وحشي
قالت اجل الغي اللقاء
قلت امري لله البسه ولو ان العالم راح تتمسخر علي
ورحت للسوق وقعدت عند العجوز <======== وا فشيلتاه
وكل ما مر واحد من جنبي يضحك ويتحمد الله على العقل ويسألني ليش لابس هاللبس
وانا اقول ايه اللي يدري يدري واللي ما يدري يقول عدس !!!
وما مر وقت طويل الا وانا المح عيال الحاره من بعيد يناظرونن وهم يضحكون
بصراحة لعب الشيطان براسي فشكيت بأمرهم فرحت يمهم
وانا اقول وش ذا البرد
فرد على احد الشباب وهو يقلد صوت البنت اللي واعدتها صحيح ان ما عندك اتكيت
فعرفت ان الشباب مسوين لي مقلب وانا شربته
وحينها طلعت من السوق وانا متفشل
وبعدها ماطلعت من بيتنا لمده شهر <--- ياتسذبك بس ههههه