ايش اللي ماكنتي تصدقينه قبل الزواج ولما تزوجتي صدقتيه

هلاوين يالحريم الحلوين

ابغا اسالكم يابنات ايش الاشياء اللي ماكنتي مصدقتها وانتي بنت ولما تزوجتي صدقتيها؟؟
يعني مثلا بالنسبه لي
كانو يقولون لي ان اقصر طريق الى قلب الرجل معدته وماكنت مصدقه كنت احس ان الدلع والدلال هو اهم شي وان الرجال صارو يحبون البنت اللي تقولهم ياااي معرف اطبخ ولا ادل المطبخ
لكن لما تزوجت صدقت
تصدقون بعد التجارب العلميه والعمليه اكتشفت ان اقصر طريق الى قلب الرجل معدته
بتقولون اكيد هذي زوجها دبي عشان كذا صدقت اقولكم لا بالعكس زوجي صحته زينه لاهو سمين ولا ضعيف
وكمان في شي ثاني قبل ونا بنت كنت اشوف الوحده بالتلفزيون تقعد تتدلع عالرجال ويعطيها كل اللي وراه ودونه..وما كنت مصدقه كنت اقول تهاويل مسلسلات
لكن لما تزوجت جربتها مره وصابت معي تصدقووون!!
يالله ياحلوات كل وحده تتحفنا برايها
تحياتي للجميع اللي يردون واللي مايردون